Monday, January 23, 2017
Be war in special o dour-heidit menRelated post: His Plans To Turn Our Country Into Hell.
wha for conveniency wad kill delyte,
preivin that black is white and white is black,
expediency exped — but ach! ye ken
their arguments, aye birlin roun an roun:
St George's kirk is unco in the wey,
it's got dry rot, what luck! Wha's gonna pey
to pit it richt? Nae answer? Ding it doun.
Charlotte Square, George Square — baith out o the ark,
Adam's Auld Quad a muckle stane has-been,
Reidbrick's in fashion nou, no mason-wark;
we moderns wad like a cheenge o scene;
clear them awa and bigg a streamlined stark
new electronic brain-washing machine.
Hat tip: Ian Jackson.