Laudator Temporis Acti

W. Greenwell, ed., The Pontifical of Egbert, Archbishop of York, A.D. 732-766. Now First Printed from a Manuscript of the Tenth Century, in the Imperial Library, Paris = Publications of the Surtees Society, XXVII (Durham: George Andrews, 1853), p. 133:

ORATIONES AD LIBROS BENEDICENDOS.

Oremus.
Descendat, quaesumus Domine, virtus Spiritus Sancti tui super hos libros, qui eos mundando purificet, et bene✠dicat, atque sancti✠ficet, et omnium clementer corda illuminet, et verum intellectum tribuat, sed et illuminata precepta conservare, et implere, secundum tuam voluntatem bonis operibus implendo concedat: qui vivit.

Alia oratio.

Accende et inflamma, suppliciter flagitamus, Domine Deus noster, virtute Spiritus Sancti corda nostra et sensus nostros atque intelligentias nostras ad scrutandos sive intelligendos hos libros, nec non et alios tuae inspirationis gratia conscriptos, ut ea, quae in eis repperrimus, et intelligere veraciter, aliosque docere valeamus. Sed et in omnibus tua sequi, te donante, mandata studeamus: et nos omnesque hos libros dextera potentiae tuae bene✠dicere, magni✠ficare, consecrare, exal✠tare, puri✠ficare, ac conservare, atque omni tempore sanctificare digneris. Quatenus studiose ac devote hos et alios plurimos libros tuae voluntatis jure conscriptos, legendo et intelligendo docendoque multos tibi lucrare, omnesque nobis commissos inmaculatos tuae majestati representare valeamus, ipso auxiliante, cui est honor.

Georges Croegaert (1848-1923), Le Bibliophile